Instituti i Studimeve Politike paraqet trajektoren e subjekteve zgjedhjore dhe votimeve formale në 100 vjet. Me 1920 -1923 kishim parti dhe opozitë, midis 1924-1945 nuk patëm parti dhe as opozitë, nga 1945-1990 vetëm një parti pa opozitë, me 1991 ishin 11 parti, por vetëm 4 opozitare, dhe kështu me rradhë për të ardhur më 2013 me 43 parti opozitare në totalin e 66 subjekteve zgjedhore. Në vitin 2017? “Kthim pas, pas në kohë, në standarde dhe në sjellje politike e logjikë institucionale. Janë 15 subjekte, por vetem 2 janë të përcaktuara opozitare. Fatet dhe axhendat e dy-tre individëve u imponuan si fate e axhendë për shtetin e shoqërinë. Kështu ka qenë, kështu është dhe kam frikë, se me këtë brum që po gatuajmë, kështu do të jemi. Pa komente të tjera, përfundimi është i trishtë dhe i qartë: demokracinë e ëndërruam, e kërkuam, por as e kuptuam, as e mësuam dhe natyrisht as e zbatuam. Të tjerat janë emra dhe statistika kalimtare”- shkruan analisti i politikës, Afrim Krasniqi duke analizuar këtë grafik./tesheshi.com
