“Mark Zuckerberg ka lajmëruar se do të dhurojë 45 miliardë dollarë. Ajo që ndoshta ju nuk e dini është se 10% të tyre do t’ia dhurojë personave si unë e si ti. Mjafton që të kopjoni dhe të postoni këtë status në Facebook.
Normalisht, siç mund ta kuptoni bëhet fjalë për një gënjeshtër. Por, siç raporton Metro.co.uk., kjo nuk i ka penguar njerëzit në të gjithë botën që ‘ta hanë’ këtë gënjeshtër dhe të postojnë në profilet e tyre në rrjetin social Facebook një mesazh që është bërë tepër viral.
Ajo që i ka dhënë një dorë më shumë përhapjes së këtij lajmi të rremë është pikërisht fakti se është bërë publik vetëm disa ditë pas lajmërimit që vetë Zuckerberg bëri për dhurimin e 99% të aksioneve të tij për bamirësi.
Kështu, shumë persona e kanë postuar këtë status duke rënë në grackë, apo ndoshta kanë menduar: “Po e provoj një herë, kurrë nuk i dihet”…/tesheshi.com/
