Një grabitje ka ndodhur në orët e paradites së të hënës në qendër të Tiranës. Dy persona të maskuar dhe nën kërcënimin e armëve, raportohet se kanë grabitur një sasi të konsiderueshme parash nga një supermarket në zonën pranë maternitetit “Koço Gliozheni”.
Dy grabitësit kanë pritur punonjësin e shoqërisë së sigurimit, i cili po transportonte paratë e marketit drejt një banke të nivelit të dytë.
Ata kanë gjetur momentin kur punonjësi ka hyrë në një rrugicë, për t’i zënë pritë dhe për ta kërcënuar me armët e zjarrit. Hajdutët kanë vjedhur paratë dhe më pas janë larguar.
Policia nuk ka dhënë ndonjë informacion mbi ngjarjen. /tesheshi.com/
