Dhe nga kampi i LSI-së është mbajtur i njëjti qëndrim si i opozitës lidhur me grabitjen në Rinas. N/kryetari Luan Rama, njëherësh ish-ministër Rendi, tha se presidenti Nishani duhet të mbledhë Këshillin e Sigurisë Kombëtare pas asaj që ka ndodhur paraditen e së enjtes.
“Ata, fare mirë mund të rrëmbenin dhe avionët në atë mënyrë”, tha Rama gjatë një interviste për ABC News.
Ai kritikoi qëndrimin e policisë për largimin e përgjegjësisë nga vetja dhe i bëri thirrje kryeminsitrit Rama që menjëherë të mbledhe qeverinë dhe të analizojë atë çfarë ka ndodhur dhe pse ka ndodhur.
Sipas tij, institucionet shtetërore nuk kanë koordinim mes njëra-tjetrës, dhe kjo ka bërë që një grup kriminal të arrijë të grabisë miliona euro, në atë që duhet konsideruar etalon i sigurisë, aeroporti. /tesheshi.com/
