Pas aferës së përgjimeve, Prokuroria pritet të hetojë edhe krerët e Policisë së Shetit dhe Ministrisë së Transportit, të cilët do të pyetën mbi përgjegjësitë e mundshme në lidhje me grabitjen e ndodhur në aeroportin e Rinasit.
Pavarësisht faktit që Aviacioni Civil dhe policia kanë shkëmbyer letra dhe raporte me komapnine konçesionare të aeroportit dhe kompanisë së sigurisë ICTS, ku e sinjalizonin për problemet, ky fakt cilësohet i pamjaftueshëm nga prokuroria.
Sipas organit të akuzës, si Aviacioni Civil, edhe Policia dhe Ministria e Transportit janë isntitucione shtetërore që paguhen nga taksat e qytetarëve dhe si të tilla, puna e tyre nuk mund të përfundojë vetëm në konstatimin e problemit, por edhe në denoncimin e tij.
Aq më tepër kur bëhet fjalë për cënim serioz të sigurisë në një objekt të rëndësisë së veçantë siç është aeroporti i vetëm ndërkombëtar në vend, institucionet e lartëpërmendura nuk duhej të mjaftoheshin vetëm me shkëmbimin e problematikës mes njëri-tjetrit, por duhej të kishin bërë edhe denoncimet për secilin nga rastet e konstatuara.
Pikërisht për këtë arsye, Prokuroria e Krujës ka nisur verifikimin konkret të problematikave të konstatuara nga testet e fshehta dhe reagimin e institucioneve që janë vënë në dijeni të shkeljeve dhe cënimit të sigurisë.
/tesheshi.com/
