Parlamenti shqiptar është kapluar nga debati mbi grabitjen e Rinasit, ku mazhoranca dhe opozita janë përplasur me njëra-tjetrën për fajtorët.
Ish-kryeministri Sali Berisha i rikthyer në Kuvend pas përjashtimit dhe bojkotit, ka akuzuar Edi Ramën si pjesë e një grupi mafioz që ka kryer grabitjen.
“Kreu i juaj është kapo i meduzës së krimit të organziuar. Pse ndodh çdo javë një apo dy ngjarje të krimit sepse kreu juaj e ka shndërruar Shqipërinë në protektoratin e krimit. Vrasësit ndihen zotër të territorit të këtij vendi. Ajo që ndodhi në Rinas, është një akt i mirëfilltë terrorizmi jo ndaj personave po një grabitje e stilit terrorist. Për 12 minuta banda e armatosur pushtoi pistën e avionave, pistën në të cilin ishin disa avionë. Kreu krimin e shëmtuar dhe u largua pa u future fera në këmbë. Çfarë mësuan shqiptaret nga ju? Shqiptarët mësuan se s’kemi asnjë përgjegjësi për aeroportin. Por nëse ka një pikë me nervlagjike siguria kombëtare, ky është aeroporti, pastaj janë portet dhe pastaj territoret e tjera dhe ju menjëeherë latë duart. Nuk kemi përgjëgjësi ne por ka përgjegjsi kompania e avokatit të kreut tuaj”, deklaroi Berisha në Kuvend.
Ndërkaq, një nga ish-krerët e policisë shqiptare, aktualisht deputet i Partisë Socialiste, Pjerin ndreu, pranoi dramacitetin e situatës, por kundërshtoi sulmet ndaj policisë.
“Nëse e gjykojmë për nga koha, vendi dhe mekanizmi i ngjarjes është e natyrshme që secili bie dakord se ajo është një ngjarje e rendë që nuk duhet të ndodhte. Fakti që ndodhi nuk i bën asapk mirë imazhit të rendit dhe sigurisë, por kjo nuk do të thotë që ne si parlamentarë të flasim pa asnjë lidhje dhe të ngremë akuza që s’kanë asgjë të përbashkët me realisht ngjarjen, fajtorët e ngjarjes, përgjegjësit e kësaj ngjarje, e cila nuk duhet të ndodhet.
Unë përsëris, i komplimetoj disa kolegë të mi që s’kanë asnjë ditë marrëdhënie me policinë, nuk kanë kulturën të gjykojnë policinë, por kanë marrë përsipër të japin opinione mbi policinë. Politika jonë duhet të ndërgjegjësohet se ka kusure të rënda në organizimin e policisë së shtetit.
Ka vite që policia e shtetit është në tuteln e politikës dhe kjo është një problematikë që e kanë mbytur policinë. Kolegë mos anatemojnë policine sepse është e vetmja strukturë që ka prodhuar të mira në këtë shtet’, tha Ndreu.
Kurse kreu i komisionit parlamentar të Ekonomisë, Erjon Braçe, deklaroi se fajtor për grabitjen është koncensionari i Rinasit, i cili sipas kontratës duhet të merret me sigurinë brenda aeroportit, ndërkohë që policia e shtetit merret me sigurinë e udhëtarëve.
Braçe ka lexuar nenet e kontratës dhe ka bërë thirrje që Banka e Shqipërisë duhet të shprehet pas deklaratës së Berishës, i cili tha se nuk është vjedhur 1 milionë euro por 20 milionë.
/tesheshi.com/
