Agur Vrenozi, 53 vjeç, ndërroi jetë në spital pasi nuk u mbijetoi plagëve të marra. Ai ishte fqinji i pronarit të pikës valutore ku vendosi të përleshej me tre grabitës të cilët hynë në mes të ditës me maska dhe të armatosur, ngjarje e ndodhur një ditë më parë në Fier.
Kështu, nga një valë grabitjesh në pika këmbimi valuator, banka apo argjendari, shënohet dhe viktima e parë, nga radhët e atyre që me vullnet të lirë ndërhyjnë për ta bërë zap të keqen.
Pak orë pas ngjarjes, policia arriti të arrestoje treshen e grabitësve, mbi të cilët tashmë rëndon dhe akuza e vrasjes. Ata janë: Zini Fyraj, 37 vjeç nga Sevaster i Vlorës; Lulëzim Demiraj, banues në Vajzë, Vlorë dhe Dashamir Gergali, 41 vjeç, banues në Zhupan, Fier. /tesheshi.com/
