Bie pre e grabitjes banesa e deputetit socialist, gjatë kohës kur ky i fundit ishte bashkë me familjen në Shkodër, për festat e nëntorit.
Bëhet fjalë për shtëpinë e deputetit Namik Kopliku, ku autorët, ende të paidentifikuar kanë thyer me forcë derën dhe kanë hyrë brenda. Sipas policisë së Tiranës, hajdutët kanë arritur të marrin një sasi parashë (shuma nuk bëhet e ditur ende), disa bizhuteri dhe sende me vlerë.
Ai ka rrëfyer për mediat se kanë qenë fqinjët, ata që kanë vënë në dijeni Koplikun për ngjarjen, ndërsa kur ka mbërritur në shtëpi tregon se e ka gjetur shtëpinë të kthyer përmbys nga hajdutët, në kërkim të parave dhe sendeve me vlerë.
Një grup hetimor është ngritur për të zbuluar dhe arrestuar autorët e ngjarjes, si dhe kanë sekuestruar kamerat e sigurisë të ambjenteve përreth, në rrugën “Myslym Shyri” në Tiranë, ku ndodhet edhe shtëpia e deputetit.
Një vit më parë, edhe vila e Arben Ristanit që ndodhet në Gjirin e Lalëzit në Durrës ra pre e grabitësve, ndonëse ruhej nga rojet private./tesheshi.com/
