Një çift austriak ka rënë pre e grabitësve mbrëmjen e djeshme në Fushë-Arrës.
Mësohet se E. T, 54 vjeçe dhe bashkëshorti K. T, 61 vjeç, banues në Vjenë, Austri, kanë denoncuar në polici se rreth orës 23:30, ndërsa ishin duke pushuar në anë të rrugës automobilistike, dy persona u kanë marrë me dhunë një sasi parash, 700 Euro, dhe një telefon celular.
Menjëherë drejt vendit të ngjarjes janë nisur forcat e policisë dhe grupi hetimor. Gjithashtu janë ngritur pika të shumta kontrolli për identifikimin dhe kapjen e autorëve të kësaj ngjarje.
Policia thotë se po punohet intensivisht për zbardhjen e ngjarjes. /tesheshi.com/
