Mihail Gorbaçov, ish-lideri i fundit i Bashkimit Sovjetik, themeluesi i Glasnostit dhe Perestrojkeës, u ka përcjellë një apel dy presidentëve, Putin e Trump, që të gjejnë një konsensus me njëri-tjetrin, siç ka thënë “që mos të bëjnë panik dhe të mos frikësojnë njëri-tjetrin”.
Gorbaçov, i është referuar përvojës së tij kur udhëhiqte shtetin e madh komunist, përgjatë së ashtëquajturës Luftë të Ftohtë.
“Për shkak të situatës shkatërruese në politikë kishim arritur në prag të një lufte nukleare. Një luftë e tillë do të shkatërronte çdo gjë mbi tokë. Por për fat të mirë liderët e dy vendeve arritën të ndërgjegjësoheshin për rrezikun e madh që nisi të formohej me armatosjen nukleare”.
Sipas tij, kështu duhet të ndodhë dhe sot.
“Liderët amerikanë dhe rusë duhet të drejtohen drejt rrugës së konsensusit pa qenë vonë. Rekomandimi im për dy liderët është që mos të bëjnë panik dhe të mos frikësojnë njëri-tjetrin”, tha Gorbaçov, gjatë një interviste për Anadoly Agency. /tesheshi.com/
