Udhëheqësi i fundit i Bashkimit Sovjetik, Mikhail Gorbaçov dënoi vendimin e Shteteve të Bashkuara për t’u tërhiqur nga marrëveshja për kontrollin e armëve, i cili ndihmoi t’i dhënë fund Luftës së Ftohtë, duke shtuar se vendimi për të njoftuar një garë të re armësh, rrit rrezikun e shpërthimit të një konflikti bërthamor.
Në një kolonë për New York Times, Gorbaçov, i cili në vitin 1987, me presidentin e atëhershëm amerikan Ronald Reagan, nënshkruan marrëveshjen e famshme, paralajmëroi se ky veprim i SHBA përfaqëson “një kërcënim serioz për paqen”.
“Më pyesin se a ndjej hidhërim për atë që unë kam punuar aq shumë për të arritur? Por kjo nuk është një gjë personale. Është shumë më tepër, është një garë e re armësh”, ka thënë Gorbaçov.
Gjithsesi, Gorbaçov tha se shpreson se europianët do të refuzojnë një platformë për nisjen e raketave amerikane, të cilat presidenti amerikan, Donald Trump njoftoi se do të zhvillohet.
Është e qartë, se qëllimi Trump është që të lirojë SHBA-të nga kufizime globale, thotë Gorbaçov dhe fajëson Uashingtonin për shkatërrimin e “sistemit të traktateve dhe marrëveshjeve ndërkombëtare”, në mbështetje të paqes dhe sigurisë pas Luftës së Dytë Botërore. /tesheshi.com/
