Nga Bashkim Shala
Çdo javë, në qytetin verior të Shqipërisë në Kukës, një grup udhëtarësh me dokumente udhëtimi në duar i hipin minibusit për të marrë një rrugë tetë–orëshe për në Sofje.
Pasagjerët, të gjithë nga Gora, zonë kjo në kufi mes të Kosovës dhe Shqipërisë, të cilët i takojnë pakicës gorane, shpresojnë të sigurojnë një pasaportë bullgare në Sofje, e cila besojnë ata do t’u mundësojë një jetë në BE.
Pronari i minibusit, pjesëtar i të njëjtit minoritet nga fshati Zapod, shfrytëzoi këtë mundësi biznesi pasi interesimi i goranëve për marrjen e shtetësisë bullgare pësoi rritje. Ai vendosi të organizojë një lidhje të rregullt në mes të Kukësit dhe Sofjes, me një çmim prej 60 euro për udhëtim.
“Nisem në mbrëmje dhe arrij në Sofje herët në mëngjes,” thotë vozitësi, T. Bajraktari.
“Pasagjerët e mi pastaj regjistrohen në një nga rrethet e Sofjes që është kusht për të fituar shtetësinë” shtoi ai.
Bullgaria mund ta ketë standardin më të ulët jetësor në BE, por aspirata për t’u bërë qytetar bullgar është bërë synim i lartë për shumë nga pjesëtarët e komunitetit goran në Shqipërinë verilindore.
Zona e Gorës në Shqipëri përbëhet nga nëntë fshatra, banorët e së cilës flasin gjuhën sllave, të ngjashme me atë maqedone dhe bullgare.
Besohet se goranët kanë ardhur në këto treva në mes të shekullit 11-të dhe 13-të. Është menduar se janë ata janë bogomilë, një sekt i krishterë neo-gnostik i cili u themelua në Mbretërinë e Parë Bullgare. Fjala “bogomil” përkthehet si “të dashurit e Zotit”.
Më vonë ata u konvertuan në muslimanë, mirëpo mbajtën gjuhën sllave.
Komuniteti dygjuhësh e konsideron zonën shtëpi të vet për shekuj tashmë. Sidoqoftë, në dy dekadat e fundit komuniteti është tunduar nga ofertat për shtetësi nga shtetet fqinje.
Në vitet ’90, Serbia tentoi të trajtojë goranët si minoritet serb, pjesërisht për shkak se ata jetojnë në Kosovë, të cilën Serbia në atë kohë luftonte ta aneksonte.
Maqedonia poashtu u ofroi shtetësi goranëve. Bullgaria veproi po në të njëjtën mënyrë. Por oferta e tyre shkaktoi migrim shumë më të madh.
*Titulli është redaksional. Ai original është: Qytetarët e minoritetit goran të Shqipërisë marrin rrugë për në BE
Marrë nga: Balkaninsight -/tesheshi.com/
