Fillimisht ishin makinat pa drejtues, më pas syzet e diellit dhe tani telefonia mobile. Google është duke lançuar projektin Fi, shërbimin e tij të parë dhe më të ri të telefonisë mobile në Shtetet e Bashkuara, duke u futur kështu në industrinë që karakterizohet nga lufta e çmimeve mes gjigantëve At&t e Verizon dhe T-Mobile e Sprint.
Mountain View prezantohet me dy fushata të vogla por herën e tyre të parë në këtë industri dhe synojnë të krijojnë diçka të mesme mes rrjetit celular dhe wi-fi.
Me hyrjen në këtë sektor, Google synon të zgjerojë edhe më shumë ndikimin e tij në publik, duke tërhequr një numër më të madh të klientëve në sistemin operativ Android. Zbritja në fushë e këtij gjiganti do të përkthehet si një presion i ri për kolosët aktualë të telekomunikacionit, të cilët do të jenë të detyruar të rendin drejt uljes së çmimeve.
Shërbimi i Google do të jetë i disponueshëm fillimisht në Shtetet e Bashkuara të Amerikës dhe do të kushtojë 20 dollarë në muaj, plus 10 dollarë për çdo gigabajt të përdorur. Qëllimi është ai i faturave më pak të kripura dhe në avantazh të konsumatorëve, të cilët supozohet se do të paguajnë vetëm për atë që do të konsumojnë.
Shërbimi do të mundësohet për Nexus 6, smatrfonët që Google ka prodhuar nga Motorola dhe për të aktivizuar shërbimin, do të mjaftojë vetëm të futeni në sajtin e Google për të kërkuar këtë shërbim./tesheshi.com/
