Google ka hequr disa nga sugjerimet e saj të kërkimit, përfshirë shprehjen “hebrenjtë janë të këqinj”, të cilat janë gjeneruar automatikisht nga algoritmi i saj i kërkimit.
Që nga e hëna, kjo shprehje nuk i është sugjeruar përdoruesit, i cili ka shtypur vetëm fjalët “janë hebrenjtë”, njofton The Guardian.
Google gjithashtu ka hequr sugjerimet për kërkimet e frazave tjera fyese që kanë të bëjnë me gratë, çështje kjo që po ashtu u ngrit të dielën në një artikull të The Guardian. Fraza “muslimanë janë të këqinj”, një tjetër formulim tjetër i ngritur po ashtu në artikull të gazetës, ende shfaqet kur një përdoruesi shtyp frazën “janë muslimanët.”
“Ne ndërmorrëm masa të premten, disa orë pas njoftimit të rezultateve të autocomplete“, tha të hënën një zëdhënës i Google për The Guardian.
“Rezultatet tona të kërkimit janë një reflektim i përmbajtjes së materialeve nëpër faqe të internetit. Edhe pse këto rezultate nuk reflektojnë mendimet apo bindjet e vetë Google si një kompani, ne vlerësojmë lartë një diversitet të perspektivave, ideve dhe kulturave.
“Përdoruesit kërkojnë për një gamë të gjerë të materialit në internet – 15% të kërkimeve që shohim çdo ditë, janë të reja. Për shkak të kësaj, termat që shfaqen në autocomplete mund të jenë të papritura ose të pakëndshme. Ne po bëjmë çmos që të parandalojmë paraqitjen e termave fyes, si pornografi dhe gjuhë të urrejtjes, por ne pranojmë se autocomplete nuk është një shkencë ekzakte dhe ne gjithmonë përpiqemi që të punojmë në drejtim të përmirësimit të algoritmeve tona”, tha zëdhënësi.
Google ndërmorri masa të ngjashme vitin e kaluar, kur u hoqën përgjigjet anti-semite në frazat e kërkimit “Kush udhëheq me Holivudin?” /tesheshi.com/
