Kur Gjermani fitoi të premten 0-8 ndaj San Marinos u mendua se ky do të ishte rezultati më i thellë i këtyre tre ditëve të ndeshjeve eliminatore në Europë për botërorin Rusi 2018.
Vetëm dy ditë më pas, Begjika e ka kopjuar Gjermaninë, duke fituar 8-1 ndaj Estonisë. Mertens e Lukaku shënuan nga dy gola në fitoren tenistike; e tundën rrjetën dhe Meunier, Hazard e Carrasco, teksa pati dhe një autogol nga Klavan.
Fitorja e blindon kryesimin e Belgjikës në grupin H, me 12 pikë të plota, e me një golavarazh të shkëlqyer, +20.
Në një tjetër takim të së dielës, të vlefshëm për grupin B, Portugalia fitoi 4-1 ndaj Letonisë.
Cristiano Ronaldo qe njeriu i ndeshjes me dy golat e shënuar, njëri prej të cilëve me 11- metërsh. Ylli i Realit të Madridit humbi një tjetër mundësi të mirë për të shënuar kur çoi dëm një tjetër 11-metërsh në minutën e 59-të.
Tjetër fitore e thellë dhe e pastër qe ajo e Hungarisë ndaj Andorrës, 4-0.
Holanda fitoi 1-3 në fushën e Luksemburgut; një prej tetë takimeve të një dite më parë.
Bullgaria mposhti 1-0 Bjellorusinë; tre pikë siguroi dhe Zvicra me fitoren 2-0 ndaj Ishujve Faroe.
Qiproja nuk e pati të vështirë ndaj Gjibraltarit, duke fituar 3-1.
I vetmi barazim i mbrëmjes u regjistrua në Athinë, ku Greqia e Bosnjë-Hercegovina e mbyllën 1-1 sfidën mes tyre.
Fushata kualifikuese do të rifillojë në mars të vitit të ardhshëm. /tesheshi.com/
