Udhëhequr nga Kevin Durant, shënuesi i 43 pikëve, Golden State Warriors fitoi dhe ndeshjen e tretë në serinë e finaleve të kampionatit amerikan të basketbollit.
Warriors e mbyllën 102-110 takimin në “Quicken Loans Arena” ndaj Cleveland Cavaliers, duke iu afruar akoma më tepër fitimit të një trofeu të tretë të NBA-it në katër vite.
Kryesuesit e finaleve kanë me vete dhe historinë, pasi asnjë ekip nuk ka mundur të fitojë pasi e ka parë veten në një seri humbjesh 3-0.
Ndërsa Durant qe shënuesi më i mirë i tërë takimit, Stephen Curry, bashkëlojtari i tij, pati një mbrëmje të çuditshme, me vetëm 11 pikë të shënuara.
LeBron James qe më i miri për vendasit, me 33 pikë të shënuara, 10 rebound-e, e 11 assist-e.
Golden State Warriors mund ta sigurojë titullin nëse fiton ndeshjen e katër të finaleve të NBA-it mbrëmjen e së premtes në të njëjtin terren sportiv. /tesheshi.com/
