Atletico Madrid-i është rikthyer sërish ta kryesojë kampionatin spanjoll pas më shumë se dy viteve falë rëndësisë së golave të realizuar. Skuadra e Diego Simeone-s ka marrë 1.64 pikë për çdo gol të shënuar (25 gola në 18 javë kanë vlerën e 41 pikëve).
Një pikë kyçe pa të cilën nuk do të mund të arrihej ky sukses është edhe reparti i mbrojtjes, që ka pësuar vetëm tetë gola në këtë kampionat, me ç’rast ka ruajtur vlefshmërinë e golave të shënuar në disa përballje që madrilenët i kanë fituar me një gol diferencë.
Një sukses i tillë e ka përcjellë edhe skuadrën italiane të Inter-it, duke bërë që interistët të mbajnë vendin e parë në Serie A. Djelmoshat e Roberto Mancini-t kanë marrë 1.56 pikë për çdo gol të realizuar.
Më pas vjen skuadra e Arsenal-it, që gjithashtu mban primatin e liderit në kampionatin anglez. Të besuarit e Arsene Wenger-it kanë realizuar një gol për 1.26 pikë, e falë kësaj formule kanë triumfuar në duelet e fundit, duke i fituar me rezultat minimal.
Rendimentet e çdo goli në Europë:
1. Atletico Madrid: 18 javë, 41 pikë, me 25 gola të realizuar (1.64 pikë për gol)
2. Inter: 17 javë, 36 pikë, me 23 gola të realizuar (1.56 pikë për gol)
3. Arsenal: 20 javë, 41 pikë, me 34 gola të realizuar (1.23 pikë për gol)
4. PSG: 19 javë, 51 pikë, me 49 gola të realizuar (1.06 pikë për gol)
5. Sporting: 15 javë, 38 pikë, me 26 gola të realizuar (1.05 pikë për gol)
6. Bayern: 17 javë, 46 pikë, me 46 gola të realizuar, (1 pikë për gol)
7. Ajax: 17 javë, 41 pikë, me 45 gola të realizuar (0.91 pikë për gol)
Megjithëse një pjesë e madhe e këtyre skuadrave udhëheqin kampionatet përkatëse, janë të bindura që kjo formulë nuk mund të jetë garantuese për titullin kampion, pavarësisht se llogaritë e mundësojnë një gjë të tillë. /tesheshi.com/
