Java e 33-të e kampionatit italian veçohet për golat e shumtë, veçanërisht në dy prej takimeve të tij. Nëse dje në Firence u shënuan nëntë gola në fitoren 5-4 të Fiorentinës ndaj Interit, sot rezultat tenistik është regjistruar në Romë.
Lacio ia zbehur akoma më tej shpresat për shpëtim Palermos me fitoren 6-2 në “Olimpico”. Strakosha ishte sërisht mbrojtësi i portës së Lacios në këtë fitore, ku tre prej golave i shënoi Keita, dy mbajnë firmën e Immobile-s, ndërsa serinë e mbylli Crecco në minutën e 90-të.
E papritur qe humbja e Milanit në “San Siro” ndaj Empolit vetëm pak më tepër se një javë pas atij barazimi ndaj Interit.
Fitorja 1-2 qe si një frymëmarrje për Empolin, i renditur në vend të 17-të mes 20 skuadrave të Serisë A.
Atalanta do të fitonte 3-2 dje ndaj Bolonjës, e mbetet kështu në luftë për një vend të katërt.
Napoli bëri prapakthehu sot në mesditë në përpjekjet për t’i marrë Romës vendin e dytë. Napolitanët u kthyen veç me një barazim 2-2 nga fusha e Sasuolos.
Në tre takime të tjera, Udineze fitoi 2-1 ndaj Kaljarit, Sampdoria u mposht 1-2 nga Krotone, dhe Torino mundi 1-3 Kievon në transfertë.
Në mbrëmje luhet takimi Juventus – Xhenova, e të hënën Peskara – Roma. /tesheshi.com/
