Një valë arrestimesh ka ndodhur së fundi në Ministrinë e Drejtësisë, ku janë gjetur shkelje të rënda e abuzime me disa tendera.
Nën pranga kanë rënë ish-sekretarja e përgjithshme Juliana Hoxha, drejtori ekonomik Aurel Lamce, si dhe dy specialistët e IT-së, Lysien Ali dhe Arlind Alikaj.
Sipas hetimeve nga Prokuroria e Tiranës, në dy vite, 2016-2017, janë zbuluar abuzime dhe shkelje me 5 tendera duke shkaktuar një dëm të llogaritur në miliona euro. Për këto abuzime, janë dhe të tjerë zyrtarë nën hetim.
Por ajo që veçon është fakti se ato prekin dhe dy ish-ministra të LSI-së, Ylli Manjani dhe Petrit Vasili, pasi bëhet fjalë për shkelje në kohën e drejtimit të institucionit prej tyre. /tesheshi.com/
