Rusia ka pësuar humbjen më të madhe në luftën në Ukrainë deri tani: Gjenerali Andrei Sukhovetsky u vra, pasi u vu në shënjestër të një snajperi ukrainas!
Gjeneralmajor Andrei Sukhovetsky, i cili ishte zëvendës komandant i Ushtrisë së Kombinuar të 41-të të Qarkut Qendror Ushtarak Rus, u vra dje ndërsa forcat e mbrojtjes ukrainase zmbrapsën ofensivën ruse.
Një burim ushtarak konfirmoi se ai u vra nga një “snajper” dhe sugjeroi që një funeral për gjeneral majorin – deri tani personi më i lartë rus i vrarë në konflikt – do të mbahej në Rusi të shtunën.
Pas ditësh mohimi, Kremlini pranoi dje se 498 ushtarë të tij ishin vrarë dhe 1600 u plagosën në një “operacionin special ushtarak” në Ukrainë, por numri aktual është pothuajse me siguri më i lartë.
Ndërkohë, forcat e armatosura të Ukrainës thanë sot se ushtria ruse kishte pësuar 9,000 viktima – megjithëse deklarata pranoi se llogaritja e numrit të të vdekurve ishte “e ndërlikuar nga intensiteti i lartë i armiqësive”.
Chipilyov, nga Aleanca e Parashutistëve Ruse të Forcave Ajrore, konfirmoi vdekjen e Sukhovetsky-t në rrjetet sociale më herët sot si ndoshta prova më e sigurt e vdekjes së gjeneralit.
“Me dhimbje të madhe morëm lajmin tragjik për vdekjen e mikut tonë, gjeneralmajor Andrei Alexandrovich Sukhovetsky, në Ukrainë gjatë një operacioni special. I shprehim ngushëllimet më të thella familjes së tij”, thuhet në deklaratë.
Por nuk ishte e qartë se ku u vra Sukhovetsky. /tesheshi.com/
