Ambasadorja amerikane Yuri Kim tha se njerëzit në Shqipëri janë ngopur me deklarime, porse realiteti është krejt diç tjetër, referuar treguesve ekonomikë.
“Lidhur me klimën e biznesit dhe kemi marrë mendime nga shumë investitorë. Rritja e mundësive të biznesit të amerikanëve është një nga prioritetet e mia këtu në Shqipëri. Anketimi tregon një rënie në klimën e biznesit 2019, përveç tërmeteve, ka edhe pengesa strukturore që bëhen pengesë. Disa problematika janë: klima politike, konkurrenca e padrejtë, korrupsioni.
Në tre prioritetet që kam që është rritja e marrëdhënieve për mbrojtjen dhe rritja e investimeve, secila ndikohet nga korrupsioni, shpresoj që komiteti i biznesit do të shikojë për zgjidhje praktike. Njerëzit janë të mërzitur nga deklaratat duan politika për të arritur një standard të mirë jetese.
Shqiptarët duan zgjidhje dhe që udhëheqësit të punojnë së bashku dhe qeveria të mundësojë një të ardhme më të mirë, të luftohet korrupsioni dhe të kenë një ekonomi më të mirë”, tha Kim në konferencë e Dhomës Amerikane për Klimën e Biznesit.
Nga ana tjetër, ministri i Sipërmarrje Eduart Shalsi ia atribuojë disa shkaqeve, politike e jo vetëm, rëndimit të situatës ekonomike.
“Pandemia e kapi edhe botën të papërgatitur. Ato masa që u morën për tërmetin nuk merren në këtë pandemi. Situata e acaruar politike e dëmton sipërmarrjen. Indikatorët negativ ndihmojnë për t’u përmirësuar. Kohët janë të paprecedenta dhe masat duhet të jenë të tilla. Ka një element të përbashkët me të gjitha sondazhet; një nga ato është klima e sajuar politike”, tha Shalsi. /tesheshi.com/
