Eshtë shpallur fajtore dhe është dënuar me tre vite lirim me kusht kameramania hungareze që në vitin 2015 bëri bujë me sjelljen e pahijshme ndaj refugjatëve në kufirin mes Serbisë dhe vendit të saj, duke i shqelmuar dhe duke u vënë stërkëmbësin.
Petra Laszlo ngjalli indinjatë dhe zemërim, deklaroi trupi gjykues, duke shtuar se veprimi i saj binte në kundërshtim me normat shoqërore.
Pretendimet e avokatit të kameramanes se ajo po mbronte veten u hodhën poshtë si të pabaza gjatë gjyqit.
Laszlo nuk ishte e pranishme në dhënien e vendimit.
Kameramania do të humbiste dhe vendin e punës asokohe, pas ngjarjes së shëmtuar. Ajo do të pushohej nga stacioni televiziv hungarez për të cilin punonte. /tesheshi.com/
