“Jam goditur nga një rrufe dhe më pas jam përmendur me superfuqi”. Brian Skinner është një fotograf australian. Prej disa ditësh, ai ka shtuar në kurrikulumin e tij të dhënë ‘superhero’.
Gjithçka pasi një rrufe e goditi gjatë një stuhie. Skinner, i cili jeton në veri të Sidneyt ishte duke fotografuar qiellin e vrenjtur dhe stuhinë, në momentin kur, siç tregon ai “një rrufe ra disa metra larg tij, më pak se 5 metra”. Kjo është ajo që shkruhet në Daily Mail ndërsa më pas vijohet me “isha duke vendosur dorën në makinën fotografike kur pash rrufenë të kalonte përmes dorës sime. Ishte një eksperiencë jashtëtrupore”.
“Kisha ndjesinë sikur më kishte kaluar një tren përsipër”,- thotë Brian Skinner. Si pasojë e incidentit ai nuk ka pasur pasoja të rënda, mirëpo, diçka ka ndryshuar tek ai. “Rreth një javë më pas kamë vënë re se kisha aftësi ndjesiore më të zhvilluara. Arrija të shikoja gjëra që normalisht nuk i kisha parë dhe arrija të dëgjoja e të ndjeja gjëra që ndodhnin në distanca më të mëdha. Më duket se kisha dhe ndjesi psikike. Ka qenë eksperienca më e çuditshme dhe më e rrallë që kam përjetuar. Shikoja njerëzit dhe arrija të dëgjoja ato që thonin, sikur ata të ishin duke biseduar me mua. Dyshoja se mos ishin halucinacione të miat. Kur ua thoja këto gjëra atyre që më rrethonin, më shikonin me çudi”.
Mirëpo, ‘magjia’ zgjati shumë pak: ‘superfuqitë’ e tij u zvenitën brenda pak ditësh dhe fotografi iu kthye normalitetit./tesheshi.com/
