Tjetër akti dhune ndaj bluzave të bardha u regjistrua një ditë më parë në QSUT, ku mjeku i Urgjencës së Infektivit, Genc Stroni u godit nga i afërmi i një pacienti, e më pas u largua me shpejtësi nga ambienet spitalore.
Ministrja Manastirlliu ka reaguar ashpër ndaj kësaj ngjarjeje, duke duke e cilësuar si “barbari”.
“Eshtë barbari të sulmosh një profesionist të shëndetit, për më tepër në kushtet kur është duke ofruar me përkushtim dhe profesionalizëm, shërbim shëndetësor për qytetarët. Akte të tilla nuk mund të tolerohen, ndaj kam propozuar një ndryshim në kodin penal, për të konsideruar kanosjen ndaj bluzave të bardha, si vepër penale”, tha ajo në një deklaratë. /tesheshi.com/
