Vijojnë tensionet në Libi. Ushtria libaneze, e drejtuar nga gjenerali Khalifa Haftar ka konfirmuar se ka bombarduar një anije turke në brigjet e Tobruk. Sipas zëdhënësit për shtyp, Mohamed Hejazi, anija ishte drejtuar për në Derna dhe ka shkelur rregullat ushtarake për të mos iu afruar qytetit, i cili është pjesërisht i kontrolluar nga ushtarë islamikë të rreshtuar përkrah ISIS.
“Anija është bombarduar në një distancë prej 10 miljesh nga bregu i Dernas. E kishim paralajmëruar ekuipazhin. Një anëtar i ekuipazhit të anijes turke është vrarë dhe një tjetër është plagosur”,- ka thënë Mohamed Hejazi.
Sipas një burimi libanez, anija turke u përfshi nga flakët dhe u rimorkiua në portin e Tobrukut. Turqia është akuzuar disa herë nga qeveria libaneze se furnizon me armë dhe materiale të tjera luftarake ekuipazhet islamiste në Tripoli.
Qeveria e Ankarasë i ka paraqitur një letër proteste formale autoriteteve libaneze. Sipas autoriteteve turke, anija Tuna-1 po i afrohej portit për të dorëzuar një ngarkesë me kartonxhes të ardhur nga Spanja kur është goditur ndërsa gjendej ende në ujërat ndërkombëtare.
Sipas asaj që tha ministria e Jashtme e Ankarasë, ka ndodhur një sulm i dytë në rrugë ajrore, ndërsa anija ishte duke u larguar. Në mesazhin dërguar autoriteteve libaneze, ministri i Jashtëm turk ka kërkuar që të hapet një hetim për të vënë përgjegjësit përpara drejtësisë, duke nënvizuar se Ankaraja ka të drejtë të kërkojë dëmshpërblim për këtë ngjarje, në bazë të rregullave dhe ligjeve ndërkombëtare. /tesheshi.com/
