27-vjeçari Kaalan Walker, një reper afrikano-amerikan që luajti në filmin e vitit 2018 “SuperFly”, u dënua me 50 vjet burg dje, të hënën, pasi u shpall fajtor për përdhunime të shumta të femrave të rritura dhe të mitura.
Sipas New York Post, gjykata urdhëroi gjithashtu që emri i Walker të shtohej në regjistrin e shkelësve seksualë për jetën për një sërë krimesh që ai kreu nga viti 2013 deri në 2018. Këto krime përfshijnë përdhunimin, kryerjen e marrëdhënieve seksuale me një të mitur, abuzimin seksual të një viktimë e dehur dhe një sulm me qëllim përdhunimi.
Walker, një “grabitqar i vërtetë seksual” sipas prokurorëve që morën përsipër çështjen, përdori Instagramin dhe Twitter-in për të gjetur viktimat e tij, të cilat shpesh ishin vajza dhe gra që donin të ndiqeshin për aktrim ose modelim. Më pas ai joshi vajzat me premtimin për pjesëmarrjen e tyre në sesione fotografike apo videoklipe dhe i ftoi në vendet ku mund të vepronte i pashqetësuar.
“Kur i thanë ‘ndal’, ai nuk u interesua,” u tha zëvendësprokurorja e qarkut Yasmin Farghdasemi para juristëve gjatë gjyqit të Walker marsin e kaluar.
Avokati i Walker pretendoi se klienti i tij nuk përdhunoi asnjë nga femrat që e akuzuan, por se ata donin të hakmerreshin ndaj tij për premtimet e rreme që ai u bëri atyre për punë të supozuara dhe lidhje me miqtë e tij të famshëm. Sipas tij, “pretendimet e rreme” të këtyre grave i kanë prishur reputacionin klientit të tij dhe e kanë bërë jetën e tij një makth.
Walker, i cili gjithashtu u shfaq në filmin e vitit 2017 “Kings” me aktorë Halle Berry dhe Daniel Craig, u arrestua në vitin 2018, por u lirua me kusht në pritje të gjyqit. /tesheshi.com/
