Në Roland Garros janë dashur katër orë e 34 minuta për të përcaktuar gjysmëfinalistin e parë të turneut. Një gjysmëfinale maratonë, e fituar në fund nga tenisti me më freski fizike.
Andy Murray, numri një në botë, e finalisti i vitit të shkuar, është nxjerrë nga gara nga Stan Wawrinka, që është treguar më i duruar në momentet finale të lojës.
Wawrinka rikthehet në finale pas 2015-s, kur dhe shpallej fitues për herë të parë dhe të vetme në French Open.
Zviceriani fitoi 3-2, ku vetëm në setin final pati një dominim të plotë pas shterimit të forcave nga Murray.
Seti i parë do të fitohej 7-6 me tiebreak nga Murray, Wawrinka u përgjigj me një set të fituar 6-3, 7-5 mbyllet seti i tretë për britanikun, e në të katërtin tiebreak-u flet për Wawrinka-n. Në setin e pestë nuk ka histori: 6-1 për Wawrinka-n.
Ky i fundit pret kundërshtarin në finale, që do të dalë nga gjysmëfinalja mes Nadal-it dhe Thiem-it. /tesheshi.com/
