Midis 70,000 dhe 75,000 njerëz, gjysma e popullsisë së Nago-Karabakut, janë zhvendosur nga përleshjet midis forcave armene dhe azerbajxhanase, tha Avokati i Popullit i republikës së vetëshpallur.
“Sipas vlerësimeve tona paraprake, gati 50 përqind e popullsisë është zhvendosur, nga të cilat 90 përqind janë gra dhe fëmijë,” i tha Ombudsmani Artak Belgian për France Press.
Ai shtoi se “midis 70,000 dhe 75,000 njerëz janë zhvendosur brenda Nago-Karabakut ose janë bërë refugjatë, duke lëvizur në vende të sigurta”.
Karabaku ka pothuajse 140,000 banorë dhe 99 përqind janë armenë etnikë. Autoritetet lokale dhe Armenia akuzojnë Azerbajxhanin për shënjestrimin e civilëve që nga rinisja e konfliktit më 27 shtator, veçanërisht në kryeqytetin Stepanakert, i cili ka një popullsi prej 50,000 banorë.
Qyteti ka qenë nën sulmet me raketa veçanërisht që nga e premtja, duke detyruar pjesën më të madhe të popullsisë të largohen, dhe ata që kanë mbetur janë duke u fshehur në bodrume.
Azerbajxhani gjithashtu pretendon se popullsia e tij është shënjestra e sulmeve, por tani për tani nuk tregon numrin e njerëzve që u larguan nga konflikti.
Konflikte të ashpra
Stepanakert u bombardua përsëri gjatë natës dhe dronët ishin aktivë gjatë mëngjesit, raporton një gazetar i France Press.
Sirenat e alarmit tingëllojnë pothuajse vazhdimisht, dhe qyteti praktikisht është në errësirë të plotë.
Një banor i tha France Press se mbrëmja ishte bombardimi më i rëndë që nga fundjava.
Sulmet u ndaluan këtë mëngjes, duke lejuar një pushim të shkurtër për banorët ende në qytet, raporton France Press, duke shtuar se një numër shtëpish u shkatërruan plotësisht pranë parlamentit.
Dekadat e konfliktit midis Azerbajxhanit dhe Armenisë për Nago-Karabakun u përshkallëzuan rreth dhjetë ditë më parë. /tesheshi.com/
