Gjysma e botës, nën kërcënimin e një virusi të rrezikshëm

Organizata Botërore e Shëndetësisë (OBSH) paralajmëroi të premten se gjysma e popullsisë së botës është në rrezik të kontraktimit të virusit të dengos, i cili transmetohet nga mushkonjat.

Raman Velayudhan, kreu i divizionit të sëmundjeve tropikale të OBSH-së, u tha gazetarëve në selinë e OKB-së në Gjenevë se OBSH kishte regjistruar një rritje tetëfish të rasteve të dengos midis 2000-2022, nga 500,000 raste në 4.2 milionë.

Velayudhan nënvizoi se shifra aktuale mund të jetë shumë më e lartë.

“Rreth gjysma e popullsisë së botës është në rrezik nga dengoja, pasi ky virusi prek afërsisht 129 vende,” tha ai, duke vënë në dukje se vlerësimet tregojnë se deri në 100 deri në 400 milionë infeksione ndodhin çdo vit.

Ai vuri në dukje se dengoja është një sëmundje serioze, e cila zakonisht është një infeksion viral që transmetohet nga personi në person nga pickimi i mushkonjave.

“Tetëdhjetë për qind e rasteve janë asimptomatike”, shtoi ai.

Vaksina e vetme aktualisht në treg kundër këtij virusi është Sanofi Pasteur, sipas OBSH-së.

Kjo vaksinë përdoret në pothuajse 20 vende.

Vaksina mbron vetëm ata që janë infektuar me dengo një herë dhe kërkon marrjen e tre dozave.

Efektiviteti i kësaj vaksine kundër katër llojeve të virusit të dengos është mesatarisht rreth 65 për qind.

Sipas vlerësimeve, vdekjet nga dengoja variojnë nga 40,000 deri në 70,000 në vit, tha zyrtari i OBSH-së, duke shtuar se ka shumë vende që ende nuk i raportojnë ato si të tilla.

“Norma e vdekjeve është rreth një për qind në shumicën e vendeve dhe ne shpresojmë ta zvogëlojmë atë edhe më shumë,” tha ai. /tesheshi.com/