Një 85-vjeçare, e cila e dashuron dimrin, është bërë një yll viral nëpërmjet një videoje të postuar në internet, ku gruaja festonte ditëlindjen e saj duke formuar një engjëll dëbore në anë të rrugës.
Betty Ritchie, e cila shfaqet në videon e postuar në Facebook nga e bija, Sherry Spangler, ishte duke udhëtuar me makinë me familjarët e saj muajin e shkuar, kur vendosi të zbresë nga makina dhe të shijojë borën.
“Ime bijë dhe bashkëshorti i saj ishin në makinë kur unë vendosa të bëja një engjëll në dëborë, ndaj ime bijë më ndihmoi të dilja nga makina”,- ka thënë Ritchie, ndërsa shprehet e habitur për pëlqyeshmërinë e videos. /tesheshi.com/
