Mitri Prifti, dëshmitar në proçesin ndaj Emiljano Shullazit dhe 4 bashkëpunëtorëve të tij, ka ndryshuar thëniet në sallën e gjyqit në krahasim me ato që kishte thënë para prokurorisë, në hetimin që kjo e fundit kishte nisur ndaj të arrestuarve.
Në seancën e yhvilluar sot, Prifti tha para trupit gjykues se nuk i njeh të pandehurit dhe nuk është kërcënuar ndonjëherë prej tyre.
32-vjeçari, kushëri i biznesmenit Jani Zaka, i cili prej me shumë se një viti është larguar drejt SHBA.
Zaka ishte pronar i një parkimi prej 12 mijë metrash katrorë në “Rrugën e Kavajës”, të cilin e kishte blerë nga familja Sinani.
Kjo familje pretendonte se e kishte shitur nën çmimin e tregut. Gjatë hetimeve Zaka tha se nga vetë Emiljano Shullazi i është thënë se duhet ta zgjidhte problemin e parkimit.
Edhe Mitri Prifti, kushëri i biznesmenit deklaroi në atë kohë se Shullazi i kishte kërkuar që parkimi të kalojë në emër të Blerim Shullazit, nëpërmjet një kontrate noterie. Por të gjithë këtë histori, Mitri tha para në gjykatës se nuk e mbante mend.
“Unë di që ka probleme me familjen Sinani. Mua nuk më ka përmendur njeri tjetër se nga i kanë ardhur kërcënimet”, u shpreh dëshmitari në seancë.
Deklarimet u kundërshtuan nga prokuroria, por u pranuan nga Gjykata.
Në nisje të seancës avokatët mbrojtës të të pandehurve kërkuan vazhdimin e procesit me 3 gjyqtarë dhe jo me 5, pasi kjo sanksionohet në kodin e ri të procedurës penale, por kjo kërkesë u rrëzua.
Të pandehurit u larguan nga salla në shenjë proteste pasi i kërkuan gjykatës që fillimisht të thirren
dëshmitarët për çështjen e ish-hotel Vollgës, por togat e zeza nuk e morën parasysh këtë kërkesë. /tesheshi.com/
