Në seancën e rradhës në ngarkim të Emiljano Shullazit, që akuzohet ndër të tjera, edhe për profesorit e Mynyr Koni, që të tërhiqej nga gara për Rektor të Universitetit të Tiranës, kanë dëshmuar ish-ministri i Brendshëm, Sajmir Tahiri, krei i Policisë së Shtetit, Haki Çako, ish-rektori Shezai Rrokaj, ndërsa Dhori Kule u paraqit në gjykatë por nuk paraqiti dëshmi.
Kryepolici Çako tha para gjykatës se për ngjarjen u vu në dijeni nga ministrja e Arsimit, Lindita Nikolla, me të cilën më pas zhvilloi menjëherë edhe një takim rreth gjithë asaj që ajo dinte.
“Nikolla më tha se Koni ishte kanosur para Sheratonit. i mblodha në takim të gjithë, Konin, Nikollën, Kulen, Hodjan dhe Cipën”, tha Çako, duke shtuar se më pas thërritën Konin që të bënte kallëzimin. “Per me tepër pyesni oficeret qe moren kallëzimin, mua kaq me lejohet”, sqaroi kreu i Policisë së Shtetit.
Dhori Kule u paraqit në sallën e gjyqit por nuk dëshmoi, pasi paraqiti kërkesë për të shkuar në spital për një të afërmi e tij.
Ndërsa Shezai Rrokaj, tha se ngjarjen e mësova kur në telefon më morri Dhori Kule dhe më tha që një person i kishte kërkuar qe te mos e mbeshteste Konin. “E quajtem ngjarje te papëlqyeshme”, theksoi Rrokaj.
Majlinda Keta, tha se një gazetare e kishte informuar për një deklaratë të bërë nga ish-kryeministri Sali Berisha për dorëheqjen e Mynyr Konit pas kërcënimit.
Klodeta Dibra, kandidate aso kohe përballë Konit, tha se u vu në dijeni nga mediat për ngjarjen ndërkohë që ishte në periferi me një emision për ndihmë ndaj familjeve të varfra. /tesheshi.com/
