Ashpërsohet gjuha qeveritare ndaj gjygjtarit Arjan Aliaj, i cili një ditë më parë mori vendim për të pezulluar kryepolicin Haki Çako, me pretendimin e shkeljeve ligjore lidhur me pajisjen bëmëmadhe të përgjimit. Pas daljes në shtyo të faktit se gjygjtari Aliaj është shkarkuar dhe nga KLD për shkak të shumë shkeljeve në vendimet e marra; e më pas reagimit dhe të ministrit Tahiri me tone të ashpra ndaj tij, është tashmë Rama që i vërsulet, me një gjuhë aspak të kursyer.
“Ky killer me pagesë apo me flamur partie i drejtësisë ka liruar nga burgu të paktën 7 herë njerëz të dënuar për vepra të rënda penale: vrasje, përdhunime, grabitje me armë… Po si mundi të kthehet në detyrë ky lloj personazhi që me vendimet e tij kriminale arriti të vërë në pozitë të vështirë edhe vetë sistemin e korruptuar të drejtësisë?! Kujt i duhej rikthimi nga i ndëshkuar në gjykatës i këtij shkelësi profesionist të ligjit, që ka dhënë të paktën 7 prova se çekiçin e drejtësisë e përdor për t’i shtypur kokën drejtësisë? Thjeshtësisht e hidhur është përgjigja: Ky derdimen pa din e as iman e rimori çekiçin në dorë sepse u duhej atyre që sot nuk e duan Reformën në Drejtësi, për të shtypur drejtësinë për hesap të interesave të tyre!”, shkruan Rama në FB.
Ky nervozitet në gjuhën e Ramës, tregon dhe krizën e thellë ku ka hyrë tashmë politika shqiptare, që ka në epiqendër mospasjen e një konsensusi për reformën në drejtësi. /tesheshi.com/
