Gjykata Speciale në Beograd ka hedhur poshtë propozimin e drejtorit rajonal të policisë së Kosovë në Mitrovicë Nehat Thaçi për anulimin e arrestimit të tij.
“Me vendimin e gjyqtarit për procedurë paraprake me 13 tetor është refuzuar propozimi i palës mbrojtëse të të pandehurit për përfundimin e arrestimit”, ka thënë zëdhënësja e kësaj Gjykate, Tanja Koljensic, për Tanjug.
Sipas këtij vendimi, Thaçi aktualisht vazhdon të mbetet në paraburgim.
Thaçi është arrestuar me datën 28 shtator me vendim të Gjykatës së Lartë në Nish që sipas tyre kishte një fletë arrest të lëshuar në vitin 2010.
Kurse Thaçi më pas u transferua në Beograd me datën 10 tetor, ku u theksua se ndaj tij po bëhet një hetim për si i dyshuar për vepër penale, terrorizëm.
Ndryshe, Kuvendi i Kosovës së fundmi nxjerri një rezolutë me anë të së cilës u kërkua lirimi i menjëhershëm i policit Thaçi, por siç duket nxjerrja e saj nuk do të ketë kurrfarë efekti.
