Gjykata speciale e mbështetur nga KB për Libanin tha sot se nuk kishte prova se lidershipi i Hezbollahut ose qeveria siriane ishin të përfshiranë vrasjen e vitit 2005 të ish-kryeministrit libanez Rafik al-Hariri.
Katër anëtarë të lëvizjes shiite, e cila ka mbështetjen e Iranit, janë akuzuar për komplot në një sulm me bomba në shkallë të gjerë, në të cilin Hariri dhe 21 persona të tjerë u vranë.
Hariri, një musliman suni dhe miliarder, ka mbajtur lidhje të ngushta me Shtetet e Bashkuara, Perëndimin dhe vendet arabe suni në rajonin e Gjirit Persik. Ai u konsiderua një kërcënim për ndikimin e Iranit dhe Sirisë në Liban.
Ai drejtoi aksionin për rindërtimin e Bejrutit pas luftës civile nga 1975 deri në 1990.
“Dhoma Gjyqësore zbulon se Siria dhe Hezbollahu mund të kenë pasur një motiv për të eliminuar Haririn dhe aleatët e tij politikë, por nuk ka asnjë provë që udhëheqja e Hezbollahut ishte përfshirë direkt në vrasjen e Haririt, dhe nuk ka asnjë provë të drejtpërdrejtë të përfshirjes siriane”, tha gjykatësi David Re në përmbledhjen e vendimit të gjykatës.
Hezbollahu më parë ka mohuar përfshirjen në çfarëdo mënyre në bombën e 14 shkurtit 2005.
Leximi i aktgjykimit para Gjykatës Speciale për Libanin pritet të zgjasë disa orë.
Vrasja e Haririt e shtyu Libanin në krizën më të madhe që nga lufta dhe pasoi një konfrontim shumë-vjeçar midis forcave politike rivale. /tesheshi.com/
