Gjykata Administrative ka rrëzuar Rovena Gashin, ish-kreun e Marrëdhënieve me Jashtë në Prokurorinë e Përgjithshme e cila ka paditur Kryeprokuroren Arta Marku, e cila e largoi nga detyra gati dy javë më parë.
Vendimi është marrë në një seancë me dyert të mbyllura dhe për të ka omentuar vetëm pala mbrojtëse e Rovena Gashit.
Avokati i bashkëpunëtores së ngushtë të Adriatik Llallës ka qenë as më pa e as më shumë por ish-kryetari i KQZ-së, Çlirim Gjata, i cili duke folur për gazetarët e ka quajtur absurd vendimin.
“Me kompetencë të plotë ligjore nuk kam parë ndonjëherë akt administrativ më të paligjshëm dhe më antikompetent. Është shkarkuar një drejtore e Drejtorisë pa asnjë motivacion. Ka rrezik që as në kohën e Enver Hoxhës të keni shkarkim detyre pa motivacion. As një pastrues nuk mund të shkarkojë kryeprokurorja pa motivacion jo më një drejtoreshë Drejtorie”, deklaroi Gjata. /tesheshi.com/
