Gjykata në Shkup ka lëshuar urdhërin për arrestimin e ish-kreministrin Nikolla Gruevski, që ai të çohet në burg për të vuajtur dënimin me dy vjet heqje lirie, dhënë javë më parë për çështjen “Tanku” – Mercedezin e blerë 600 mijë euro.
“Ju njoftojmë se Gjykata Themelore Shkupi 1 ka dhënë urdhër për arrestimin e Nikolla Gruevskit dhe në datë 12.11.2018 në ora 16:30 e dorëzoi në Sektorin për Punë të Brendshme në Shkup dhe ka kërkuar njoftim për urdhërin e arrestit. Menjëherë pas dorëzimit, MPB-ja vepron sipas kërkesës”, thuhet në një deklaratë të Ministrisë së Brendshme maqedonase.
Katër procedura gjyqësore janë duke u zhvilluar kundër tij.
Gjykata më herët hodhi poshtë kërkesën e Gruevskit, i cili u përpoq t’i shtyjë ankesat e tij, me qëllim që të shtyjë ekzekutimin e dënimit me burg.
Nëse Gruevski përfundon në burg, siç dhe pritet të ndodhë, ai do jetë i dyti ish-lider ballkanas pas kroatit Ivo Sanader që përfundon pas hekurave me akuzat për korrupsion. Në Shqipëri, kjo mbetet ende e pamundur. /tesheshi.com/
