Gjykata Kushtetuese në Turqi hodhi poshtë një apel nga një organizatë joqeveritare e cila u ankua për një vendim të mëparshëm të gjykatës që nuk lejonte hapjen e Shën Sofisë për lutje islame.
Organizata joqeveritare, e cila paraqiti një apel individual, deklaroi se vendimi i mëparshëm i gjykatës shkeli të drejtën për lirinë e mendimit, ndërgjegjes dhe fesë.
Gjykata Kushtetuese e gjeti këtë ankesë të papranueshme, sepse ajo ishte paraqitur nga një person i paautorizuar, raportojnë mediat e Ankarasë.
Arsyetimi i gjykatës deklaroi se është vërtetuar se ankuesi, në këtë rast organizata joqeveritare, si person juridik, nuk ka vuajtur ndonjë shkelje në kontekstin e shkeljes së të drejtave të parashtruara në ankesë.
Prandaj, Gjykata Kushtetuese refuzoi një ankesë për shkak të mungesës së kushteve për pranimin e saj, ose për shkak të zbulimit të paautorizuar të aplikantit.
Katedralja e Shën Sofisë u ndërtua në shekullin e 6-të.
Kjo kishë dikur bizantine, u shndërrua më pas në xhami, për të përfunduar në muze siç është dhe sot.
E ndërtuar në epokën e perandorit Justinian, Shën Sofia është një nga arritjet më të mëdha arkitekturore të kohës.
Besimtarët herë pas here e kërkojnë ta përdorin atë si një xhami. Procesi ishte pikërisht pasojë e kësaj kërkese. /tesheshi.com/
