Një gjykatë gjermane ka marrë vendim që një mësuese e cila nuk është punësuar në një shkollë fillore në Berlin për shkak shamisë muslimane, do të marrë 8,680 euro (9,250 dollarë) si kompensim për diskriminim.
Një gjyqtar i lartë i Gjykatës së Punës pranoi të enjten se bartja e shamisë nuk do të kishte çuar në tensione në shkollë. Paditësi, i cili nuk është identifikuar, kishte apeluar një vendim të mëparshëm të marrë nga një gjykatë e cila kishte refuzuar rastin e saj, ndërkohë që autoritetet arsimore të qytetit mund të apelojnë vendimin e fundit.
Berlini ka një ligj të ashtuquajtur të neutralitetit që thotë se mësuesit, policët dhe punonjësit gjyqësorë nuk duhet të veshin rroba fetare.
Por gjykatësi Renate Schaude i është referuar një vendimi të vitit 2015 nga gjykata më e lartë e Gjermanisë, në të cilën thuhet se ndalesa e përgjithshme e shamisë së kokës në shtetin perëndimor të North Rhine-Westphalia cenon lirinë fetare. /tesheshi.com/
