Gjykata e Kasacionit në Egjipt ka lënë sot një fuqi një dënim me 20 vite burg për Muhamed Mursin, ish-presidentin e detyruar me forcë ta lërë pushtetin tre vite më parë.
Ky është vendimi përfundimtar i një gjykimi të Mursit për akuzat e ngritura mbi vrasjen e protestuesve në manifestimet antiqeveritare të 2012-s.
Për tetë prej të pandehurve së bashku me Mursin është lënë gjithashtu në fuqi i njëjti dënim, shtatë prej të cilëve të dënuar po me 20 vite burg, e një me dhjetë vite.
Mursi është gjykuar dhe për një sërë akuzash të tjera. Një tjetër gjykatë e dënoi atë në qershor të këtij viti me burgim të përjetshëm për udhëheqje të një grupi terrorist, duke iu referuar Vëllazërisë Muslimane. Avokatët e Mursit kanë çuar në apel dhe një vendim me dënim me vdekje për klientin e tyre.
Muhamed Mursi qe presidenti i parë i Egjiptit i zgjedhur në mënyrë demokratike. Ai u rrëzua nga presidenti aktual, Abdulfettah es-Sisi. /tesheshi.com/
