Gjykata e Shkallës së Parë e Vlorës ka dënuar sot me katër vjet burg ish-kryetarin e Bashkisë së Vlorës, Shpëtim Gjika, për të cilin prokuroria kishte kërkuar 9 vjet burg.
Por pavarësisht dënimit, ish-zyrtari i lartë vendor nuk do të bëjë në fakt asnjë ditë burg në qeli, pasi dënimi i është konvertuar në dy vite shërbim prove.
Gjika u akuzua për veprën penale të “falsifikimit te dokumentave zyrtare”, “shpërdorim detyre”, “ndërtim i paligjshëm” dhe “veprime që pengojnë zbulimin e së vërtetës”, të kryera në bashkëpunim.
Konkretish korrupsioni i kryebashkiakut ishte për një kompleks 11 katësh ndërtuar në lagjen “Hajro Çakërri” të Vlorës.
Gjykata i ka ndaluar atij edhe të drejtën e ushtrimit të funksioneve publike të paktën për tre vjet, i cili u konvertua me 3 vite shërbim prove
Bashkë me të u dënua edhe biznesmeni Artur Harxhi, i cili mori 3 vjet burg për klasifikim dokumentesh.
Të pandehur të tjerë në këtë proces janë dhe Doriana Sulaj, Artur Haxhi dhe Ridvan Mersinaj, ky i fundit në cilësinë e pronarit të truallit. Ridvan Mersinaj u dënua me 1 vit burg i konvertuar me 2 vite shërbim prove, ndërsa për Doriana Sulajn u rrëzuan të gjitha akuzat.
Gjika u arrestua në shkurt të 2015, por u gjykua në gjendje të lirë./tesheshi.com/
