Gjykata e OKB-së ka lëshuar një verdikt ku masat e ndërmarra nga Emiratet e Bashkuara Arabe kundër Katar, si pjesë e një bojkoti, përshkruhen si diskriminim racor.
Emiratet së bashku me Arabinë Saudite, Bahreinin dhe Egjiptin, e kanë mbërthyer vndin e vogël të Gjirit në një bllokadë nga toka, ajri dhe deti, që në qershor 2017.
Katari ka paraqitur një ankesë në Gjykatën Ndërkombëtare të Drejtësisë në qershor, duke e akuzuar Emiratet e Bashkuara Arabe për shkelje të ligjit ndërkombëtar me dëbimin e qindra shtetasve të saj, shumë prej të cilëve kanë familje ose prona aty, si dhe për mbylljen e hapësirës ajrore dhe bllokimi e portit.
Sipas Gjykatës, bojkoti shkel Konventën Ndërkombëtare mbi Eliminimin e të Gjitha Formave të Diskriminimit Racor, duke përfshirë diskriminimin në bazë të origjinës kombëtare – një kontratë e nënshkruar në mes të Emiratet e Bashkuara Arabe dhe Katar.
Ndërsa Arabia Saudite, Bahreini dhe Egjipti nuk janë nënshkrues të kësaj Konvente.
Të hënën, Gjykata e OKB-së tha se familjet e prekura nga vendimi i Emirateve të Bashkuara Arabe duhet të bashkohen.
Është thënë gjithashtu se studentët duhet të kenë mundësi për të përfunduar studimet e tyre të filluara në Emiratet, ose ndryëshe t’u njihen rezultatet që të kenë mundësinë për të studiuar diku tjetër.
Në fund, u tha se Katarit duhet t’u lejohet qasje në shërbimet ligjore në Emiratet e Bashkuara Arabe.
Komiteti Kombëtar i Katarit për të Drejtat e Njeriut argumentoi se 13,000 njerëz u prekën nga bllokada.
Vitin e kaluar, Komiteti ka regjistruar 4105 raste të shkeljeve të të drejtave të njeriut, duke përfshirë 646 shkelje të së drejtës për bashkim familjar. /tesheshi.com/
