Një gjykatë holandeze ka vendosur ekstradimin e Arben Frrokut, i cili është dënuar nga dy shkallët e gjyqësorit në Shqipëri me burgim të përjetshëm si fajtor për vrasjen e komisar Dritan Lamajt.
Avokati i Frrokut refuzoi ekstradimin me argumentin se burgjet shqiptare nuk ishin të sigurta dhe se ai kërcënohej nga gjakmarrja.
Gjykata holandeze vlerësoi se Frroku nuk solli provat e mjaftueshme për të penguar ekstradimin e tij.
Ndërsa pretendimet se burgjet shqiptare nuk janë të sigurta dhe jeta e tij kërcënohet, togat e zeza argumentuan se këto pretendime nuk qëndrojnë.
Arben Frroku u arrestua në Holandë në datën 6 Mars me një pasaportë greke të falsifikuar me identitetin e Renato Tsepa. Ai u ndalua fillmisht për akuzën e falsifikimit të dokumenteve. Ndërsa më pas u kryen verifikimet dhe rezultoi se ai ishte Arben Frroku, i shpallur në kërkim ndërkombëtar për vrasjen e një polici.
/tesheshi.com/
