Brazili po kalon një ndër periudhat më të ndezura politike të dhjetëvjeçarëve të fundit, e për ta shtuar tensionin ka shërbyer dhe hetimi për korrupsion ndaj ish-presidentit Lula. Sheshet e rrugët braziliane kanë parë mijëra njerëz të dalin për të protestuar kundër presidentes aktuale, e mijëra të tjerë që kanë dalë për të mbështeturën ish-presidentin Lula dhe presidenten Dilma Rousseff-i.
Zhvillimi më i fundit është vendimi i një gjykatësi të Gjykatës së Lartë, që e ka pezulluar emërimin e ish-presidentit në një post shtetëror, duke e quajtur atë një përpjekje të qartë për të shmangur përgjegjësitë ligjore dhe vijimin e procesit të hetimit.
Gilmar Mendes, gjykatësi në fjalë, ka deklaruar këtë të premte se vendimi i pasardhëses së Lula-s në postin presidencial për t’i dhënë atij një post është një lëvizje që kërkon ta bëjë të pamundur arrestimin me akuzat për korrupsion.
“Qëllimi i falsitetit është i qartë: pengimi i zbatimit të urdhrit të arrestimit,” do të shkruante gjykatësi Mendes në vendimin e tij. /tesheshi.com/
