Gazetari i politikës në Top Channel, Muahmed Veliu, ka lajmëruar hapjen e një gjyqi kundrejt drejtuesve të portalit Lapsi.al, Andi Bushati dhe Armand Shkullaku, duke i akuzuar ata për shpifje. Fjala është për një lajm të këtij portali me titull: “Merkel i përgjigjet ftohtë pyetjes së parapërgatitur të Top Channel”, që i përket datës 8 Korrik 2015.
Sipas vetë gazetarit Veliu, i cili e ka lajmëruar gjyqin e hapur me dy kolegët e tij me anë të një statusi në FB, fraza e cila e ka detyruar që ta zgjidh me anë të gjyqit, është: “Muhamed Veliu merr gjithnjë pyetje të gatshme nga zyra e shefit të qeverisë”.
Gazetari Veliu ka thënë se nuk do dëshironte kurrë ta bënte atë që po bën, pra që të hedh në gjyq kolegë gazetarë, por që detyrohet ta ndërmarrë këtë hap në emër të dinjitetit të tij personal dhe profesional.
Ai e kishte paralajmëruar që të nesërmen e lajmit këtë gjyq, të cilin po e bën realitet.
Ndërkohë, gjyqe kundrejt kolegevë paralajmëruan kohë më parë dhe gazetarja e RTSH-së, Kozeta Kurti e moderatori Sokol Balla, që ende nuk dihet se në çfazë ndodhen me inisiativat e tyre ligjore për të zgjidhur ngërçe informimi, që i kanë vënë në shënjestër të opinionit publik. /tesheshi.com/
