Presidenti malazez Milo Gjukanoviç, i cili tashmë është gjithashtu drejtuesi i opozitës, Partisë Demokratike të Socialistëve (DPS), tha të shtunën se partia nuk dëshiron një shtet sipas modelit mesjetar, sipas të cilit kisha do të qeverisë shtetin.
Ai tha se DPS dëshiron një Mal të Zi që do të jetë demokratik, në të cilin komunitetet fetare do të kenë vendin e tyre.
“Ata po përpiqen të paraqesin se gjithçka në Mal të Zi dështoi dhe se të gjitha dështuan falë DPS. Përkundrazi, në këto 30 vjet është bërë më shumë për Malin e Zi se në çdo 30 vjet në historinë e tij të mëparshme,” tha ai.
Ai gjithashtu kritikoi qeverinë aktuale dhe vlerësoi se ata “në të vërtetë nuk e dinë thellësinë e problemeve, as në politikën ballkanike, as në politikën evropiane, as në atë malazeze”. /tesheshi.com/
