Gjuhët e huaja: sa më shpejt të mësohen aq më mirë

Të dish një gjuhë të huaj në një shoqëri multikulturore në ditët e sotme përbën një thesar të çmuar. Jo vetëm një pasuri për fëmijën i cili në një të ardhme do të jetë një person i kualifikuar, por dhe një pasuri intelektuale dhe e domosdoshme për shëndetin mendor të tij .

Logjika e shprehjes “sa më shpejt të mësohen aq më mirë” qendron tek fakti se është shumë herë me e lehtë në moshë të re të gjenden “autostrada” nervore të pavarura.

Po cilat janë metodat më të mira për t’i mësuar një gjuhë një fëmijë dhe kur është koha më e përshtatshme?

Sipas specialistes në glotodidaktikë, Rosalba Perini, duhet filluar në moshën tre vjeçare kur gjuhën mëmë e ka në fazë përmisimi, pra ka nisur të bëjë “hapat e para” të komunikimit.

Metoda duhet të jetë argëtuese si për shembull përmes vjershave, këngëve dhe lojrave të ndryshme dhe vetëm të fokusohemi tek e folura. “Për shkrimin dhe leximin duhet të presim dhe ca vite të tjera derisa ato të gjuhës amë të jenë përforcuar, pra le të themi të mbetet për në shkollën fillore ose nëntëvjeçare”. /tesheshi.com/