“Fondacioni Down Albania” protestoi para parlamentin në çelje të seancës së parë, duke kërkuar dorëheqjen e deputetit Myslium Murrizi. Kjo pasi nga goja e këtij të fundit, i njohur për gjuhën e tij frelëshuar, ka dalë një fyerje për ata me sindromën Down.
Me pankarta në duar me mbishkrimet “Kërko falje dhe jep dorëheqjen”, “Luftoni injorancën tuaj”, “Edhe unë kam ndjenja dhe dashuroj!! Edhe ti, apo jo?”, “Sindroma Doën nuk është sëmundje”, etj., ata kërkuan që Murrizi të mos jetë më pjesë e parlamentit.
Ky i fundit, ish-deputet i PD-së, u kthye në personazh kryesor politik, me një rritje të interesit mediatik për të, kur nuk pranoi të dorëzojë mandatin. /tesheshi.com/
