Siç u paralajmërua, Tirana zyrtare i ka përcjellë një notë verbale beogradit zyrtar, ndërkohë që nga ky i fundit, më saktë nga presidenti Vuçiç, ka munguar një ndjesë e kërkuar nga kryeministri Rama, në lidhje me gjuhën e ministrit Vulin.
“Gjuha ofenduese dhe komunikimi i të pavërtetave në adresë të Republikës së Shqipërisë dhe Kryeministrit të Republikës së Shqipërisë, z. Edi Rama, nuk është mënyra e duhur për zgjidhur mospajtimet politike. Për më shumë, publikimi i deklaratave të kësaj natyre në faqen zyrtare të Ministrisë së Mbrojtjes së Serbisë i jep një karakter institucional qëndrimeve të ministrit. Me anë të kësaj Note Verbale, dënojmë gjuhën e përdorur dhe kërkojmë distancim të qartë dhe të hapur të autoriteteve shtetërore të Serbisë nga gjuha e Ministrit të Mbrojtjes, Aleksandar Vulin.”
Kujtojmë se Vulin reagoi ashpër pas vendimit të dy qeverive, asaj të Shqipërisë dhe të Kosovës, për kalimin e Portit të Durrësit edhe në pronësi të Kosovës.
Sipas Vulinit, Rama po krijon Shqipërinë e Madhe, ndëra mbron dhe kriminelët e UÇK-së, siç pretendon ministri serb i Mbrojtjes. Në kthim restoje, Rama e ka cilësuar Vulinin një “magjar” (gomar), apo një “fatkeqësi natyrore në trajtë ministri”. /tesheshi.com/
