Gjuha e emoji po zgjerohet edhe një herë: Unicode Consortium ka aprovuar 74 emoticon të reja, të cilat do të prezantohen në Unicode 9.0, versionin e ri të “gjuhës universale”, e cila pritet të lançohet në mes të vitit 2016.
Disa emoji të reja përfshijnë gishtat e kryqëzuar, shpatullat e ngritura lartë, një kloun, një femër shtatznë dhe krahët që bëjnë selfie. Mes emojive të reja, disa do të shërbejnë për të prezantuar ushqime të ndryshme si pançeta, avokado, karota, një kroisant dhe një kastravec.
Të tjera prezantojnë personazhe si një mbret apo një mbretëreshë bashkë me kurorën në kokë. Unicode 9.0 do të zgjerohet dhe në mbretërinë e kafshëve duke perzantuar emoji për një buf, një dhelpër, një shqiponjë, një lakuriq nate, një peshkaqen etj.
Shikon në foton e mëposhtme se cilat janë emojit e reja që pritet të shtohen në celularin tuaj./tesheshi.com/
